| "Japannese Lente" deur JOHANN DE LANGE [boodskap #8940] |
So, 30 Maart 1997 00:00 |
Izak Bouwer
Boodskappe: 464
Geregistreer: Januarie 1996
Karma: 0
|
Senior Lid |
|
|
JAPANNESE LENTE
Johann de Lange
Lente in Tokio is vlietend
soos 'n romanse. Milder lug
en sonsigbare parke
in voorstede
waaier meteens oop;
die dae rek somer
tegemoet.
Kuslangs
meer brutaal: die ingeburgerde ys,
kraak en bars, riviere sidder nat-
neus en die vogtige aarde
gaap stomend oop.
Die wit peerboombloeisels
op die heuwels van Kanazawa
het reeds oopgegaan
twee weke gelede in Tokio.
Toeriste leef soos ekspatriate.
Drink saam, speel mahjong
of voetbal. Verlange
na 'n vaderland
of moederstad maak plek
vir verwondering.
Ou lojaliteite raak oorgroei
deur nuwes. Skiet wortel.
Raak ingegrawe.
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
